البيض المسلوق باللحمة المفرومة

البيض المسلوق باللحمة المفرومة

ممكن تزيني الطبق بالخضروات الورقية وشرائح الليمون

إزيكم..

النهارده هقدّم لكم صنف سهل جدًّا.. ومقاديره متوفّرة في أي مطبخ.. وكمان شكله حلو جدًّا..

البيض المسلوق باللحمة المفرومة

المقادير:
5 بيضات مسلوقين ومقشرين
350 جرام لحمة مفرومة
بصلة متوسطة مفرومة
ملح + فلفل أسود + بهارات مشكّلة
بقسماط مطحون
معلقة دقيق

الطريقة:
1- نضيف البصل على اللحمة المفرومة ومعاها الملح والبهارات والفلفل الأسود، وبعدين نحط البقسماط لحد ما اللحمه تتماسك.

2- نجيب البيض المسلوق ونقلبه في قليل من الدقيق، علشان يساعد على إن اللحمة تلتصق به، وبنغلّف البيض باللحمة بحيث يكون سمك اللحمة المفرومة على البيض حوالي 1 سم.

3- لما نخلّص كمية اللحمة، نغلف كورات البيض باللحمة المفرومة بقليل من الدقيق المتبل بالبهارات (يعني غلاف رقيق جدًّا من الدقيق).

4- نقلي كرات البيض باللحم في زيت غزير مغلي لحد ما تحمر، وبعدين نوطي عليها النار شوية علشان تستوي كويس، ونقلبها بحرص، ونطلعها من الزيت على ورق نشاف، ونقطع كل كرة إلى نصفين بالراحة بالسكينة وهيبقى شكلها حلو جداً؛ لأن الصفار هيكون باين وبعدين البياض وبعدين اللحمة، وممكن تزيني الطبق بالخضروات الورقية وشرائح الليمون.. وبالهنا والشفا..

مستنية رأيكم وإن شاء الله المرة الجاية هعمل لكم أكلة جنان...

وفي النهاية نحب نشكر صديقتنا العزيزة على وصفتها اللذيذة دي..
ونتمنّى إنك تجربيها..
وتبعتِ تقولي لنا على النتيجة..
وما تنسيش لو بتعرفي تعملي أكلة وشاطرة فيها جدًّا..
إنك تبعتيها لنا على صفحة..

"ورينا شطارتِك"

علشان ننشرها باسمك
مستيينكم،،،

المصدر : مايكل سوفت التمميز والابداع:

جزاك الله خيرا